download

شریف خاندان کی جانب سے نئی دستاویزات عدالت میں پیش

اسلام آباد (اردوپوائنٹ اخبارتازہ ترین-انٹرنیشنل پریس ایجنسی۔20 جولائی۔2017ء)اہلی اسٹیل کا میٹریل امارات سے العزیزیہ اسٹیل کمپنی کے پتے پر بذریعہ کارگو جدہ بھجوایا گیا۔ شریف خاندان کی جانب سے کارگو کی تصدیق شدہ تفصیل آج سپریم کورٹ میں پیش کی گئی ہے۔ان سرکاری طور غیرمصدقہ دستاویزات کے مطابق اہلی اسٹیل ملز کا میٹریل ٹرکوں کے ذریعے جدہ بھجوایا گیا، یہ میٹریل 5 ستمبر 2001 کو فیری لینڈ کارگو کمپنی کے ذریعے بھجوایا گیاتھا۔کارگو کیے گئے سامان کی تفصیل 25 صفحات پر مشتمل ہے اور یہ میٹریل یو اے ای سے جدہ منتقلی کی ایک شپمنٹ کا اس وقت کا کرایہ 12 ہزار 200 ڈالر ادا کیا گیاتھا۔کارگو دستاویزات میں یو اے ای کسٹم کونسل کے ایکسپورٹ اور ری ایکسپورٹ بلز کی نقول بھی موجود ہیں۔